Teks sambrama wacana bersama bali untuk pembukaan bulan bahasa Bali 2025 dengan tema Jagat Kerthi “Jagra Hita Samasta di SMP Negeri 4 Abiansemal

SAMBRAMA WACANA RING Wimbakara Bulan bahasa Bali 2025 sane ma unteng Jagat Kerthi “Jagra Hita Samasta".

Om Swastyastu,

Bapak/Ibu Guru sane kusumayang titiang, asapunika taler para sisya sareng sami sane banget sihin titiang. Sadurung titiang matur amatra, ngiring sareng-sareng nyihnayang rasa pangayubagia majeng ring Ida Sang Hyang Widhi Wasa, sangkaning asung kerta wara nugraha Ida, iraga sareng sami iriki prasidang laksanayang pemungkah acara Wimbakara Bulan bahasa Bali 2025 (kalih tali selae)  sane untengnyane Jagat Kerthi “Jagra Hita Samasta" ring rahina mangkin. 

Ida dane sareng sami, manawita sampun uning nyabran warsa pastika sampun iraga nglaksanayang perayaan bulan bahasa Bali pinaka cihna ngerajegang sastra, aksara miwah seni budaya Baline. Gargita pisan manah titiang santukan nyingakin sajebag keluarga sekolah sumuyub salunglung sabayantaka, sapunika taler para semeton angga prawartaka (panitia pelaksana) prasida ngelarang wimbakara pantaraning kelas sane jenten sampun kadasarin manah suci nirmala buat nincapang rasa bhakti iraga sareng sami majeng ring ida. 

Duaning asapunika Wimbakara Bulan bahasa Bali 2025 sane ma unteng Jagat Kerthi “Jagra Hita Samasta", rahina mangkin Buda, Pon, Watugunung (Hari Urip/Kehidupan) tanggal 5 (lima) Pebruari 2025 (kalih tali selae), itiang pinaka penyelediyi bapak kepala sekolah jagi mungkah acara puniki antuk ngucarang :

Om Awignam Astu Namo Sidham,

Om Sidhirrastu Tad Astu Astu Svaha, 

Om Ano Badrah Kratawo Yantu Wiswatah.

Dumadak ngancan ngariwekas wimbakara sakadi puniki prasida kawerdiang malih mangdane acara sakadi puniki prasida kalaksanayang nyabran warsa. Titiang ngaturang suksmaningmanah majeng ring para parawartaka sane sampun prasida ngamong sapulah palih acarane puniki sane prasida labda karya tur mamargi rahayu.

Ida dane sareng sami sane dahat wangiang titiang, wantah asapunika sane prasida uningayang titiang ring panyembrama titiang puniki. Pinaka wusananing atur, titiang nunas pangampura antuk kaiwang miwah kirang langkung atur titiang, mugi-mugi ida dane ngaledangin. Sineb titiang antuk parama shanti. 

Om Santih, Santih, Santih Om.