KUMPULAN KIDUNG

PUPULAN KIDUNG

Olih : I Gede Sugata Yadnya Manuaba

KIDUNG BUTHA YADNYA 

(PANGUNDANG BHUTA)

PUPUH JERUM

1. Tan ngéh anamun turida

Salimur tan kasalimur

Prakerti abayéng dangu

Tumuwuh ta dadi wong

Rasa tan dadi ageman

Marmantra misréng kidung

Tan anuting pupuh basa

Pinahewa dé sang wiku

2. Ndan kaprascita ring gita

Kundang dé ya aran ipun

Taruna ring banjar kidul

Kang kumawi catur mangko

Kocapan iku undang déya

Mangulanjar gawén ipun

Kasih asih inéman éman

Kamban kara déning ibu

3. Kidung pangundang ring bhuta

Basa lumrah pupuh jerum

Bhuta asih widhi asung

Caru pesajiné reko

Genep saha upacara

Manut warna lawan lungguh

Sekul iwak pada bina

Lawan olah-olahan sadulur

4. Pangideran panguripan

Kangin panca putih mulus

Kaja siya barak mungguh

Kauh kuning pitu anggon

Kelod selem urip patpat

Manca warna tengah brumbum

Akutus panguripnya

Bhabutané manut lungguh

5. Kangin ring angin magenah

Kaja ring api umungguh

Ring tanahé sané kawuh

Kelod ring toya manongos

Ring embangé buta tengah

Malih sané bilang bucu

Anut urip lawan warna

Tongos babhutané karendung

6. Kaja kangin urup kutus

Yan ring warna rupa kwanta

Kelod kangin urip nemnem

Klawu warnanyané kawot

Kelod kawuh warna wilis

Asiki uripnyané tuhu

Kaja kawuh nasak gedang

Tatelu uripnya tuhu

7. Babhutanyané kinucap

Préta pisaca aran ipun

Bhuta kala dengen rusuh

Ring durgamané manongos

Ring alas tukad segara

Ring pangkung-pangkung kredung

Genep sami siya warna

Kang inundang sida rawuh

8. Yan sira sampun wus nadah.

Gati prasama mewantuk,

Ngungsi unggwane swang mantuk

Aja mami gena wong,

Miwah mami gena yadnya,

Asih kumasih satuwuk,

Ngawe degdeg jagad raya,

Jane pade manggih hayu.

########&&&&&&###$$$$$$#######

KIDUNG DEWA YADNYA

SWASTYASTU

Ginanti

Swastyastu ne keatur,

Titiang jagi menyarengin,

Mengaturang gegendingan,

Melila cita sareng sami,

Kirang langkung atur titiang,

Sinampura sareng sami.

NUNAS LUGRA

Titiang nunas lugra ratu,

Mangugah preragane,

Doning titiang lintang dusun,

Tuara nawang kauh kangin,

Kaja kelod tuara uning,

Punika tunasang titiang,

Ring Ida Bhatara Guru,

Apang titiang tuara sisip.

NING SUCI

Ning suci bhakti sumawur,

Canang tetep pingature,

Tetep labe putih kuning,

Pametik jepun sumadi,

Jambe anom ludra tiga,

Papijitan soroh lumlum,

Gande maosari.

NGASTAWA DEWA

(adri)

1.Tembang adri pengastawa ayu,

Ngastawa Ida Bhatara,

Ngastiti Ida Hyang Widhi,

Dasa indria sami kumpul,

Panca wisayane kumpul,

Malih maring rasa sukla,

Ring putih hati manerus,

Bayu sabda idep sukla,

Anggragap pranawa sukla.

2.Egar manah ira ngesti hayu,

Ngesti Bhatarane,

Kalih Ida Sang Hyang Widhi,

Madak ica ida nerus,

Betel kangin betel kauh,

Ngulayang ka welas harsa,

Angestiang brata sadhu,

Ngesti Ida Hyang Bhatara,

Nunas sarining amerta.

TURUN TAUN

1.Turun taun sigedong sari,

Mumbul katon swarga mulya,

Langan de side nurunang sari,

Sarin mretha sarin sedana,

2.Kukus katon siputiq jati,

Margan de side siq micayang,

Muncrat mencur tirtan de kaji,

Sweca de kaji bepaica.

3.Kaji ngaturang pangubhakti,

Bhakti nunas panugrahan,

Muncar katon gedong de kaji,

Atep maniq kertha muliya.

4.Lawang emas winten sari,

Tēmbok emas becerancang,

Bepelinggihan kursi maniq,

Pengayah atep lēq natar.

MANDAMALON

OOO/O-O/-OO/O-O/O-O/OO

1.-.Stutinira tān tulūs Sinahurān paramārta Çiwa,

-.Anaku huwūs katōn Abimantānta temūnta kabeh,

-.Hana panganūgrahāngku Çadhu sākti winĩmba sara,

-.Pasupati sāstra kāstu Pangarānnya nihān wulati.

2.-.Wuwus sira Sānghyang Ĩçwara mijĩl tang apūy ritangan,

-.Wawang asarĩra katāra mangĩnditakēn warayang,

-.Tinarima Sāng Danān Jaya tikāng sara sūksma tika,

-.Nganala sarĩra sātmaka lawān warayāng wekasan.

3.-.Kretawara Sāng Danān Jaya manembāh hatĩ pranata,

-.Pinisalinān larās makuta Tan hanā kalah hālah,

-.Winara warāh sirēng aji danūr dara sāstra kabeh,

-.Kreta semayāng prayōga dadi sūksme Bhatāra Çiwa.

4.-.Sahasura sĩddha çārana parēng kesana sūnia mwah,

-.Rasa tanirāt hidēp nrepati putrā katōnanira,

-.Kadi masalĩn sarirā suka tan pabalĩk prihati,

-.Satiru tirūn kretārta sira denĩ kadhira nira.

5.-.Hanamara jānma tān pamihutang brata yōga tapa,

-.Angentul amĩnta wĩrya sukanĩng Widhĩ saha sika,

-.Binalikakēn purĩh nika lwĩh tinemūnia lara,

-.Sinakitanĩng rajāh tamahinān dehāning prihati.

1. Kawitan Warga Sari

Purwakaning angripta rum

ning wana ukir

kahadang labuh kartika

panedenging sari

angayo tangguli ketur

angringring jangga mure

Sukanya arja winangun

winarna sari

rumrumning puspa priyaka

ingoling tangi

sampuning riris sumaru

menggwing srengganing rejeng

2. Pupuh Gambuh

Ngaturang kukus arum

Pangiring pujabakti ka luhur

Maduluran canang gantal

Canang sari

Saha kidung matembang gambuh

Katur ring hyang Widi kawot

Purwaning puja katur

piranti asep menyan mawelun

Panyeregeg manggala yadnya

Sang sulinggih

Kukus cihna ripu dudus

Budi hening jati katon

Madasar budhi sadu

Saking Ias caryaning kayun

Manunas Panugrahan ida

Dewa Dewi

Miwah Pitara leluhur

Mugi nemu kerahayuan

Atur kesama pukulun

Antuk presangga mangayap iratu

Yadin tuna presarana

Yadnya bakti

Maka renaning penawur

Dening bhatara pangayom

Ampura ratu Hyang sinuhun

Manawi tuna bakti ingsun

ledang ugi ngampurayang

Asung asih

kreta nugraha ratu manuntun

Tityang sadia nyanggra manyuwun

3. Mendak Bhatara (wargasari)

Asep pejati wus katur,

Mendak Ida Bhatarane,

Paneteg Ian canang arum,

Canang gantal canang sari,

Parekan pada menangkil,

Pedek sami nunas ica,

Ngadpada manyungsung,

Mengaturang palinggih

Tengeran Bhatara rawuh,

Ketug lindu manggalana,

Kilat tatit kuwug-kuwug,

Dumilah ngadeg ring langit,

Raris maduluran angin,

Mangalinus maring jagat

Rempak taru rubuh,

Katibanan angin.

Bhatara makire tedun,

Anglayang diambarane,

Busanane sarwa murub,

Tur anunggang wyalapati,

Warnane angresing hati,

Risampun prapti ring pura,

Ancangan tumurun,

Natasang pelinggih.

Dibale manike luhung,

Mapanyengker ring tlagane,

Kadagingin tanjung tutur,

Tunjung bang tunjung putih,

Ring madyaning bale alit,

Isa Bhatara mabawos,

Nganggit sekar jepun,

Sekarang memargi.

4. Bramara Ngisep Sari

Om om sembah ikatunan,

dumadak jua kaaksi,

mungguing pangubaktin tityang,

nista solah lawan wuwus,

muwah banget hina budi.

Kewanten sredaning manah,

miwah katlebaning hati,

kalawan eling tan pegat,

kanggen manyanggra manyuwun,

pican iratu sang luwih.

Iratu langkung pawikan,

ring manah sarwa dumadi,

ne jati kalawan boya,

ne corah lan bakti mulus,

ne patut kalawan rusit.

Apan paduka bhatara,

ne mula nodyanin gumi,

weruh ring sakandan jagat,

saluwir ne wus kalangkung,

mangkin miwah ne kawuri.

Sakala lawan niskala,

bhatara ngraganin sami,

wesnawa suksma bhatara,

brahma niskala iratu,

pepek sami karaganin.

5. KIDUNG WARGASARI

A. Ida Ratu saking luhur.

Kawula nunas lugrané.

Mangda sampun titiang tanwruh.

Mĕngayat Bhatara mangkin.

Titiang ngaturang pĕjati.

Canang suci mwang daksina.

Sami sampun puput.

Pratingkahing saji.

B. Asĕp mĕnyan majĕgau.

Cĕndana nuhur déwané,

Mangda Ida gĕlis rawuh.

Mijil saking luhuring langit.

Sampun madabdaban sami.

Maring giri méru rĕko.

Ancangan sadulur,

sami pada ngiring.

Puja waline ke hatur

Jalaran upa karena

Wargasari anggen nuntun

Daksina lan kukus wangi

Tetep upakara sami

Katur ring Ida Bhetara

Suweca Ida turun

Kawula sami mengasti

Winarna sirengkul petak

Haneng andekasa punanga srambi

Sidetapa sakang ginung

Siwasudha sridanta lungesira

Ngambara marga ngelayung

Mahyun marek ring Bhetara

Oryeng giri tohlangkir

Pengaksame ne keluwur

Manunas wara nugrahene

Menawi kirang nekehatur

Agung sinempura ugi

Canange asebit sari

Mangda sweca Ida nonton

Nodya saking luwur

Mamuputan sami

Pemargine bamban alus

Medal ida ngejabeyang

Tedung jenglar tedung agung

Tamyang kulem lan pengawin

Tunggul sadu bilang samping

Suwaran gambelane muntab

Sampun maider ping telu

Ring panggung Ida melinggih

Medal maring gedong agung

Merik sumirik gandene

Gedong menyan gedong madu

Ukir lawang ane

Mapin da lembumas anulu

Apit lawang singa wilis

Sina ib pajeng robrob

Tuwek payung pagut

Nemakta widya sari

Tedun Ida saking tajuk

Malinggih ring daksinane

Daksina sampun kinajum

Masekar busana becik

Damuhe pada pengampil

Lanang wadon sami girang

Upecara tedun

Presadeg ngeriyinnin

C. Bhatarané saking luhur.

Ngagana di ambarané.

Panganggéné abra murub.

Parĕkan sami mangiring.

Widyadara widyadari,

pada madudon-dudonan,

Prabhawa kumĕtug.

Angliwĕr ring langit.

D. Di Balé maniké luwung,

Mapanyĕngkĕr ring tlagané,

Kadagingin tunjung tutur,

Tunjung abang tunjung putih,

Ring madyaning balé alit,

Ida Bhatara ngĕrawos,

Nganggé sĕkar jĕpun,

Sĕkarang ka jagat sami.

E. Ring balé ĕmasé paum,

linggih Ida Bhatarané,

balé ĕmas ngranyab murub,

upacara sarwa luwih,

laluhuré sutra putih,

Ida Bhatara mabawos,

bawosé di luhur,

pacang turun gĕlis.

F. Asĕp pĕjati wus katur,

mĕndak Ida Bhatarané,

panĕtĕg lan canang arum,

canang gantal canang sari,

parĕkan pada manangkil,

pĕdĕk sami nunas ica,

nyadpada menyungsung,

ngaturang palinggih.

G. Tĕngĕran Bhatara rawuh,

kĕtug lindu ambarané,

kilat tatit kuwung-kuwung,

dumilah ngadĕg ring langit,

riris maduluran angin,

mangalinus maring jagat,

rĕmpak taru rubuh,

katibanin angin.

H. Bhatara makiré tĕdun,

anglayang di ambarané,

bhusanané sarwa murub,

tur anunggang wyala pati,

warnané angrĕsing hati,

risampun prapta ring pura,

ancangan tumurun,

natasang palinggih.

I. Bhatarané sampun rawuh,

malinggih di padapané,

matéja kĕncana anut,

parĕkan sami manangkil,

para manca para kulit,

para walén pĕmaksan pérmas,

sami ngagĕm santun,

pacang ngaturang bhakti.

J. Bhatara arsa anulu,

kidul kulon lor wétané,

wiréh sami asri anut,

laluhuré sarwa putih,

ulap-ulap sarwa kuning,

lalangséné pérmas ijo,

sami angulangun,

sami pada bĕcik.

K. Unén-unéné makuwug,

mĕndak Ida Bhatarané,

gong gambang gĕndér lan angklung,

guntang kalawan sĕkĕti,

tapĕl pajĕgan kapuji,

saron sĕmar pagulingan,

ramya pada nabuh,

swara nganyih-anyih.

L. Baris bĕdil mamucuk,

mĕndak Ida Bhatarané,

baris-tumbak baris tulup,

gambuh parwa bali,

prési jojor légong rangin,

luwih sanghyang jaran rĕko,

sami sampun rawuh,

Ida Hyang nyĕlĕhin.

M. Malinggih ring gĕdong sampun,

mungwing punika gĕdongé,

gĕdong mĕnyan gĕdong madu,

upacara sarwa ngrawit,

dumilah ring pura suci,

sinaiban pajĕng robrob,

tuwĕk payung pagut,

lalonték pangawin.

N. Sasangga mwang umbul-umbul,

akéh wong mĕrcapadané,

padĕnyĕ pada sumuyung,

wrdda anom agung alit,

sami pada nyadya tangkil,

sami pada nunas swéca,

sami pada nyungsung,

sami pada bhakti.

O. Ong awighnam pakulun,

mangarcana Bhatarané,

mangayat ngaturang kukus,

maduluran pangabhakti,

miwah sahananing suci,

mangda Ida swéca nonton,

turun saking luhur,

kawula manangkil.

P. Pangradanané kaluhur,

maka pangundang déwané,

asĕp mĕnyan majĕgau,

ambunnyané mrik sumirit,

cĕndana pada masanding,

mamĕndak Ida Bhatara,

Anggéna di luhur,

ngaran tiga Cakti.

Q. Sada Ciwa majĕgau,

Prama Ciwa cĕndanané,

mĕnyane Bhatara Guru,

kukusé nĕpud ka langit,

punika anggén pamargi,

pacang turun ring kahyangan,

mangda gĕlis rawuh,

manusa manyiwi.

R. Pangastawané wus puput,

turun Ida Bhatarané,

saking purwa Ida turun,

sakéndran sami mangiring,

Widyadara-Widyadari,

sami pada papatĕhan,

panganggéné murub,

sarwa ratna ngĕndih.

S. Sanjata bajrané dumun,

babaktan Widyadarané,

pajĕng robrob umbul-umbul,

bhusanané sarwa putih,

raris tumurun ring bhumi,

mapangawin danda kawot,

ring daksina tĕdun,

bang bhusanané ngĕndih.

T. Pangastutiné kaluhur,

angrĕgĕpang radanané,

né ring purwa puji dumun,

ring daksina né kaasti,

pascima sarĕng astuti,

ring uthara karĕdana,

mantuk madyéng bhayu,

mayoga nganjali.

U. Maprabhawa kĕtug-lindu,

sumyok ujan rajané,

téja ngadĕg kuwung-kuwung

sanjata pada rumihin,

panganggéné sarwa ngĕndih,

sahanané pérmas rakta,

galang ngĕndih murub,

Iwir mrtyu sumilir.

V. Ring pascima Ida turun,

nagapasa sanjatané,

saupacarané dumun,

bhusanané sarwa kuning,

katon kadi gunung sari,

payasé ngĕrawit tinon,

mapĕnĕkĕs gĕlung,

sarwa mas kinandi.

W. Ring uthara Ida turun,

sami krsna bhusanané,

sanjata cakrané dumun,

maduluran hujan angin,

kĕlépé pada maganti,

tatit kilapé macanda,

andusé mangĕlinus,

Iwir mubu ring langit.

X. Bléngbong lan ucur-ucur,

pĕtĕng dĕdĕt kang limuté,

maring tĕngah Ida turun,

malinggih ring candi manik,

sanjata padma sinandi,

bhusanané macan warna,

mapan sampun puput,

pangidĕran gumi.

Y. Iringané sami kumpul,

pada bĕcik tatané,

ané ring pasamuan agung,

saidĕring Padma-Sari,

pinuji sanjata nyandi,

danda cakra nagapasa,

bajrané ring ayun,

mapan Pan-Dewi.

Z. Brahma Wisnu wus ngrangsuk,

Iswara Mahadéwané,

irika pada malungguh,

Ciwa ring madya nyĕlĕhin,

pada mangélingin linggih,

Brahma tĕngĕn Wisnu kiwa,

Iswara ring ayun,

Mahadéwa ring uri.

1a. Sampun Ida maraga putus,

raris munggah kagĕdongé,

gĕdong ratna saking luhur,

Hyang Wiçwakarma makardi,

makori ĕmas mangrawit,

mangoçara Windusara,

sasocané mancur,

sarwa mirah manik.

1b. Tĕlagané maisi tunjung,

wĕtara suranadiné,

papĕtĕté saking luhur,

punika wantah pinuji,

tunjungé masari kuning,

mapalawa mas matatah,

gandanya mangalup,

sĕkar solas warni.

1c. Manik mancur mirah dadu,

ratna nila lan widura,

mangĕléncok ĕndih murub,

mangasorang téjaning rawi,

patĕh ring rahina wengi,

ring nataré makalangan,

matéja kaluhuné,

majĕlijih manik.

1d. Ingidĕran sarwa santun,

mwang sahananing sĕkaré,

sami pada mawangrum,

sĕmar ganda mrik sumirit,

para sutriné menangkil,

mĕnyaksinin patoyan,

sami ngawé kukus,

maduluran bhakti.

1e. Pangaksamané kaluhur,

manunas waranugrahané,

manawi kirangné katur,

agung sinampura ugi,

canangé asebit sari,

apang ica Ida nonton,

nodya saking luhur,

mamuputang sami.

1f. Munggah Ida Mangĕluhur,

masimpĕn kagĕdong ĕmasé,

gedong ĕmas ngĕndih murub,

mapapélok mirah adi,

wéntĕn né nganggén pĕlipid,

mirah ratna mungwing pucak,

katon ngĕndih murub,

tan yogya nyuluhin.

1g. Mantuk iratu mantuk,

munggah maring ka gĕdongé,

gĕdong maundag sĕlikur,

korinnyane mancak saji,

titiang ngaturang sabit sari,

asĕp mĕnyan katur rĕko,

mantuk iratu rahayu,

dasarané tan mangiring.

6. NGIRING MANGKIN

Ngiring mangkin tampekang

Malinggih raris mebhakti,

Mengayat ngaturang canang,

Canang sari segewan daun,

Maduluran canang gantal,

Sajeng sari,

Kukuse mengasti dewa.

MERDUKOMALA

---/OO-/O-O/OO-/O-O/OO

1.-.Ong sembahning anata tinghalana detriloka sarana.

-.Wahyedyatmika sembahning hulun, ijengta tan hana waneh.

-.Sang lwir agni sakeng tahen kadi minyak sakeng dadi kita.

-.Sang saksat metu yan hana wang amuter tutur pinahayu.

2.-.Wyapi wyapaka sarining parama tatwa durlaba kita.

-.Icchantang hana tan hana ganal alit lawan hala hayu.

-.Utpatti sthitti linaning dadi kita ta karana nika.

-.Sang sangkan paraning sarat sakala niskalatmaka kita.

TOTAKA

1.Çaçiwimba haneng ghata mesi banyu

Ndanasing suci nirmala mesi wulan

Iwa mangkana rakwa kiteng kadadin

Ring angambeki yoga kiteng sakala

2.Katemunta mareka sitan katemu.

Kahidepta mareka sitan kahidep

Kawenangta mareka sitan kawenang

Paramarta siwatwa nirawarana

7. TIRTA UTAMA

( adri )

1.Tirta utama lwir sandi nerus,

Icenin para damuhe,

Sane sandi mapasupati,

Penyapsap lara agung,

Salwire lara kesapuh,

Moksah hilang gelis punah,

Hala hilang leteh dudus,

Mundur kegumi kahyangan,

Tibenin tirtha utama.

2.Tirta utama sakti manerus

Paicain kaulane mangkin

Ne sandi mapasupati

Panyupatan lara agung,

Salwiring lara kasapuh

Hilang muksa maring sunya

Letuh hilang hala dudus

Katibening antuk tirta

Paican Ida Bhatara.

TURUN TIRTHA

(turun taun)

1. Nunas tirtha ring Hyang Widhi

Kalih Ida Hyang Bhatara

Tirtha suci maha sakti

Pangleburan dasa mala

2. Kawula nunas amertha suci

Ne nyiratang pinandita

Raga suci manah ening

Tetuladan para warga

NUNAS TIRTHA

(wargasari)

1.Turun tirtha saking luhur

Tirtha panca Dewatane

Brahma tirtha kamandalu

Hyang Iswara sanjiwani

Mahadewa kundalini

Hyang Wisnu tirtha pawitra

Hyang Siwa pamuput

Amertha kinardi.

2.Turun tirtha saking luhur

Ne nyiratang pemangkune

Makalangan muncrat mumbul

Mapan tirtha amertha jati

Paican bhatara sami

Panglukatan dasa mala

Sami pada lebur

Malane ring gumi.

3.Nunas tirtha pangelebur

Wangsuh pada Dewa Dewi

Tirtha suci adi luhung

Tirtha amertha jati sidhi

Panugrahan dewa sami

Brahma Wisnu Maheswara

Laksmi Uma Sambu

Nglebur malan gumi.

M I J I L

Sampun puput nunas tirtaning suci,

Trepti jaba jero bayu landuh,

Sabda lan idepe,

Ngepah muput matur pangubhakti,

Om Shanti Shanti Shanti,

Mangguh hayu teduh landuh.

KIRANG LANGKUNG

Kirang langkung hatur titiang

Sinampura Bhatara sami

Tambet titiang sane kelintang

Mangda sweca micayang rahayu

Bekelang titiang riwekas

Manumadi mengayah ring mercepada.

Puput