Anta Sapa metu saking basa Sansekerta, wit kata “Anta” lan “Sapa“. Anta mapiteges maka Pemuput lan Sapa mapiteges Pastu. Dadosnyane Anta Sapa mapiteges mapralina/muputang/mucekang/nyirnayang pastu.
SEMAYA PATI
Semaya=Janji
Pati=kematian
Samaya Pati tegesnyane Janji sane kabakta rauh mati olih para panglingsire duke nguni
Pegat Sot mawiwit sakeng kruna Pegat lan Sot. Pegat mapiteges putus, puput. Sot mapiteges sumpah, sesangi, dosa, pastu. Dadosnyane Pegat Sot mapikenoh memutus sumpah, sesangi, dosa, pastu. Raris wenten basa “Megat Sot” mapiteges naur sesangi, ngelepasang sumpah/pastu.
Japa saa:
Atur nghulun I Anu (wasta sane mesosot) ring paduka bhatara, bhatara ring Pura Dadia PASEK GELGEL AAN (Nganutin genah soang-soang), Bhatara Siwa Ditya, Bhatara Giri Jagatnatha makadi Sanghyang Tri Purusa Saksi, kasaksinanya de nira Sang Hyang Trayo Dasa Saksi, Nini Citra Gotra, Kaki Citra Gotra, Tumut Sang Bhuta Galungan, Sang Lumanglang rahina wengi, sira amukti ujar-ujaring manusa.
Hana sauh atur leluhur nghulun I Anu ring paduka Bhatara ring Pura Dadia........ duk sira kari maurip, wenten atur semaya pati sira duke nguni ring paduka Bhatara, irika sauh atur leluhur nghulun ring paduka Bhatara, nghulun sanggup maturan warga sari awengi kantos maka rahina, mangke nghulun sampun dados Bhatara kawitan, mangkin nghulun anaur upakara anta sapa semaya pati pegat sot ring jeng paduka bhatara. I Dewa tan kari miutangang, nghulun tan kari mautang, pegat saprantasan tan kinucap malih. Mogi pasemetonan warih PASEK GELGEL AAN setata pada guyub kawekas, tur sida Ida Pandita Mpu warih Ida Bhatara kawitan munggah sinarengan ngaturang puja weda ri tepeng piodalan Ida Bhatara, nyabran rahina wengi.
Turmaning sida Ngaturang Karya Agung Tri Bhuwana - mabalik sumpah ring manah soang-soang,
Anggen astra mantra dahating sakti,
Pacang warisin oka-putune ungkuran,
Budaya guyub kasarengin kasucian leluhur wantah katuju.
Mangkin tembenya ring rahina Soma Wage Medangsia, titi tanggal 18 Maret 2024
Tidak ada komentar:
Posting Komentar