Nihan pawisik ira Hyang Sinuhun Siwa Putra Prama Daksa Manuaba, sang wruh ring kasihanta, ri sang amanguni warah-warah sawkas ing paṇḍitaji kapurusan Griya Agung Bangkasa maring Bongkasa, ikang sangkan paran ing lpas, sangkan panunggal ing hurip, saking wit ning rasa ya mâwak tunggal, umungguhanya pântara ning untĕk, nga., ya tungtung ing tuñjung asāri mās, ya kamaṇḍalu, nga., yan tka ring pralīna nira, hana panalikan ing pāti, panalikan, nga., atngĕr ing jro ning ṡarīra luhur, mungguh ri tungtung ing ikang ilat tuwuk ing kulungan, ya unggwan ira Sanghyang Saraswatī, ya ingaranan lugraha, ikā mrĕt ira dandan ing manah, manah, nga., Bhaṭārȇng rāt, ya ngaran mata tunggal, unggwanya tlĕng ing rahinta, lyan ikā langit, sor ing wunwunan, maring sor an alĕd-alĕdan. Pĕpĕtĕn babahan ikā, yan wus dadi pĕpĕt, babahanta kabeh, yan wus mangkana, tunggalana ring kuṇḍa rahasya, nga., tiga rwa, ring rasya, tujunĕn maring luhur, maring sla ning roma, wus tka rika, cĕt msat, patitis malih maring lwih, maring ṡūnya madal, parok ring Sanghyang Jagat Kāraṇa. Iti pangawruh sang sulābha yogi liwat pininghit rahasya tmĕn aywa cawuh.
Tidak ada komentar:
Posting Komentar