Cara jani madasar ban pongah.
Nyetir mobil kelas méwah.
Diapin tua ngenahné gagah.
Diastun jumah tusing ngelah.
Yéning pesu ngenahné mewah.
Tusing nyak kalah.
Ngisinin jegah
Jeléké saputin bungah.
Bungah ngenah melah.
Ané melah pang ngenah.
Jeléké engkebang ditengah.
Depang suba kéto nah
Jelék melah pada ngelah
Gumi suba wayah
Tingkahé malegéndah
Indik Unduk
liu nawang indik
kéwala sing maunduk
wiréh gangsaran tindak
cara kuping ngaliwatin tanduk
keneh gedé bayu enduk
kemu mai tundak tundik
sulur idep
sulur idup
apang melah
apang élah
nuluh lampah urip
salantang tuwuh
apang landuh
Tresna Asih
solah laksanané apang melah,
manyama braya apang élah
anggon bekel saenu dilemah
masawitra apang asih,
saling asah saling asuh,
sing dadi saling pisuh
sing dadi saling pisah
matimpal saling tulung
ditu lakar manemu suka.
sawitrane satmaka kasugihan
Tidak ada komentar:
Posting Komentar