Wawancara Basa Bali

1. Napi manten pikobet ring para sisiane miwah sastrawan sane wenten ring Bali ri sajeroning mikukuhan tur ngelimbakang karya seni  utawi sastra Bali ring tengahin aab jagat teknologi sane serba cepat sekadi mangkine?

Panyawis:

Sajeroning nitenin mikukuhang sahasa ngalimbakang karya seni miwah sastra Bali, Bali ngemanggehang Pariwisata Budaya pinaka daya tarik wisatawane sane pinih utama.

Duaning asapunika, budaya Baline patut kaupapira mangda prasida ajeg, kukuh miwah lestari. Yening budaya Bali ne sampun rered utawi runtuh, pariwisata Baline pacang taler sayan rered tur padem, mawinan pawangunan ring Bali nenten pacang prasida mamargi antar.

Sane mangkin, asapunapi tata carane mangda budaya Bali ne prasida ajeg kantos kapungkur wekas? 

Para jana Bali ne saking dumun sampun kaloktah pinaka masyarakat gotong royong, nginggilang rasa sagilik-saguluk salunglung sabayantaka sarpanaya utawi ngelarang kesatuan miwah persatuan mangda prasida ngemolihang kasukertan. Dasar kahuripan puniki raris kemargiang antuk :

Mikukuhang tur ngrajegang Sang Hyang Agama Puniki manut ring pengamalan Sila Ketuhanan Yang Maha Esa. 

Nginggilang tata prawertining Maagama Hindu tegesnyane ring ngelimbakang seni budaya Bali patut kadasarin antuk sasunduk miwah tata sulur agama.

Ngrajegang Tata sukertaning desa saha pawongannyane sekala lan niskala.

Puniki mepiteges mangda sareng sami mamiara tata sukerta utawi keamanan desa antuk ngemargiang daging awig-awig Desa Pakraman sekala miwah niskala.

Nincapang Pangweruh, Kasusilan, miwah Pangupajiwa.

Tegesnyane nenten surud-surud melajahang rage, nelebang daging sastra agama miwah teknologi maka bekel kahuripan anggen ngerereh pangupajiwa.

2. Napi pangaptine ring kawentenan masa depan sastra Baline, risejeroning pelestarian tradisi utawi keni imbas paweweh anyar sane prasida menarik minat generasi muda?

Panyawis:

Sajaba punika, utsaha ngajegang sastra, seni miwah budaya Bali ketah kadasarin antuk dasar panglimbakan pawangunan adat Bali ne, warisan leluhur sane pinih utama sane kawastanin ajahan “Tri Hita Karana” minakadi Parahyangan, Pawongan, miwah Palemahan.

Tetujon Malajahin utawi Nyelehin Susatra Bali

a)     Mgiwikanin nilai nilai budaya adiluhung sane pacang mawiguna sajeroning nglimbakan budaya          budaya Baline

b)     Anggen tetimbang midabdabin budaya baline rikala ngarepin aab jagate

c)     Kaange nincapang rasa bangga makrama Bali

d)     Kaange buatan nincapang seni, Ilen ilen, miwah unen unen ring Bali

e)     Molihang daging daging tatwa agama kaangen nincapang sradha bhaktine ring Ida Hyang Widhi Wasa

Kadi asapunika titiang prasida maatur-atur ring galahe sane becik puniki. Matur suksme banget antuk uratian Ida-dane sinamian. Menawi ta wenten iwang atur titiang, lugrayang titiang ngelungsur geng rena pengampura.