Sesayut dan Tebasan Karena Rare Kembar Buncing

SESAYUT RARE TAN PEGAT GRING KEMRANAN. 

Medasar antuk aled sesayut, medaging beras manca warna acatu, dados tmpeng 5 siki, rakan nyane manca warna, ulam nyane ayam brumbun ingolah den asangkep, iwak segara, iwak sawah, sekar nyane warna sya (9) siki, sekar sarwa wangi ring puncak, artha nyane siyu satyus (1.100), canang pabersihan, burat wangi, lenga wangi, nuwur thirta ring sang meraga pandhita, mwang ring Dalem, Puseh, lan Bale Agung.

TATEBASAN PAGEH URIP

Medasar antuk dulang duwur nyane susunin antuk aled sesayut, duwur nyane dagingin nasi putih akulak tinelopokan, duwur nyane susunin tumpeng putih kuning padha asiki, maaru antuk toya cendana, pinageran wesi 9, tumpenge masekar cempaka putih kuning padha apasang, tunjung putih lan biru padha asiki, sesanganan, raka-raka sarwa suci, magula tebu, pisang gadhing ahijas, tulung urip, tulung sangkur, padha 5 siki, katipat pandawa, katipat sari, ulam itik maguling, tatebus putih kuning, sedah woh roro ingapon, canang miyik-miyikan, canang pabresuhan, penyeneng alit ( tahenan ) 1, Sampyan Nagasari. Sesayut puniki ka-anggen rikala mahayu jagat miwah mahayu sarira.

TATEBASAN PEPEK TUWUH

Medasar antuk dulang duwur nyane susunin antuk aled sesayut, duwur nyane dagingin nasi tumpeng asiki, maileh antuk rerasmen, rujak alimas, sesanganan, raka-raka sejangkep nyane, penyeneng alit ( tahenan ) 1, pras alit 1, sampyan Nagasari Canang pahyasan. Sesayut punki ka-anggen rikala Manusa Yadnya.

SESAYUT PANYEGJEG TUWUH :

Medasar antuk dulang duwur nyane susunin antuk aled sesayut, duwur nyane dagingin penek ageng 1, katipat sawarnan nyane, sate asem pinanggang, sesanganan sarwa galahan, raka-raka sejangkep nyane, penyeneng alit ( tahenan ) 1, pras alit 1, sampyan Nagasari, Cannag pahyasan. Sesayut puniki ka-anggen mapahayu tuwuhing jagat miwah mapahayu tuwuhing manusa.

TATEBASAN NGAYUT LARA

Medaar antuk dulang duwur nyane susunin antuk aled sesayut, duwur nyane dagingin nasi tumpeng 5 bungkul manca warna, genah nyane nyatur desa manut warnaning tumpeng, ulam nyane yam brumbun mapanggang, sesanganan, raka-raka sejangkep nyane, 1, padma 1, kalungah nyuh gadhing 1, penyeneng alit ( tahenan ) 1, pras alit 1, sampyan Nagasari, canang pahyasan. Sesayut puniki ka-anggen rikala manusa yadnya utawi ngalukat wang lara.