Pasuk Wetuning Aksara Kanda Swara

Iti ngaran pasuk wetuning aksara ah ih uh eh oh

1b.Om Awighnà pamastu namasidem.

Iwastu satàwayanya, pangaringkes aksara kanda swara, kawruhakna pasuk wetunya, yan sira wruha ring kalingan iki, tlas papa naraka bapabunta, tekang (sa)riranta, iki kamulaning panulak satru, mwang sarwa wisesa, sami pada kasor denya, anghing haywa wera ring wong lyan, apan dahating uttama aksara iki, rasamangkanak palanya, patemuning tastra : kanda Swara luwirnia eh oh, dadi ong kara ngadeg, magenah ring udel, pan tastraning tastra: ah  dadi Ah, magenah ring telapang tangan tengen, ih uh dadi Ang, magenah ring telapak tangan kiwa. -/-

2a.Ang lawa(n) Ah, masalin rupa, marupa Ong-kara, matemu ring ati, raris kapukuhing lidahe dadi ardhacandra, windu, nada. Ardacandra ring gidat genahnya, windu ring gentil irung genahnya, nada tungtunging irung genahnya. Wus samangkana mawak siwa, sadasiwa, Paramasiwa. Tejanya aketi abara inget, telas.

Iti panulak sarwa baya mancana sarwa krura, sarwa galak, sarwa aeng, palanya mari ya mamigrain. Sa, sakarepta, wenang. Ma, :

Om pritiwem apah teja bayu akasa, nga, -/-

2b.haeng haeng tan mandi, mari sang sdahan, Im hejoh hetpet. 3x, aku Sang Hyang Panca Maha Bhuta, terus ring luhur, kasaktian ku Sang Hyang Licin, sarwa satru pat swaha.

Iti mantra anggen mangraksa raganta, nanging mantrakna sari-sari, ring kalaning wengi, yan hana wong paksa angleyakin, mwang anesti, aneluh anerangjana, salwiring makarya hala ring raganta, palanya balik ya agring meh katekan mati wong mangkana, yanya tan mati meh buduh ya mwang agring, mangkana pwaranya, mantra iki -/-

3a. nanghing pingitakna nganggen mantra iki, apan dahating kawibaran mantra iki, nga, Durggha Redana, ma, : Om nama Bagawati, warntadhaga, kala sahiri, mahetpananyam, karetu sarwe sam, satrunam bawantu, siddhirastu tatastu rastu swaha, telas.

Hyang Bagawati magenah ring madyaning lidah, I Kalika magenah ring tungtunging lidah, regepakna, haywa wera ring wong len.

Nyan kaputusan Sang Hyang Prawatek dewata Nawasangha, kawruhakna ring bwana alit, ring sariranta, ndya ta unggwanya ring bwana sariranta -/-

3b. Iti Sang Hyang Aksara Kanda Swara, nga, sira angadakaken Sang Hyang Tastra saider bwana, mungguh Sang Hyang Pranawa :

Ah kangin magenah ring papusuh,

Ih kelod magenah ring ati,

Uh kauh magenah ring babuahan,

Eh kaja magenah ring nyali,

Oh, magenah ring madya,

magenahakna ring pagantunganing ati.

Iti Sang Hyang Ong-kara, Sang Hyang kapatyan, anggawe tatsra asiya lwire -/-

4a.Ah Ih Uh Eh Oh, ngaran Ong, mwang anggawe tiga, ndya ta tastra tiga, lwire : Ang Ung Mang. Mwang anggawe Sang Hyang Tastra Rwabhineda, lwire Ang Ah. Yan wus samangkana denta angwruha, hawya wera, simpenakna denta apang pened, pamulihakna Sang Hyang Aksara Kanda Swara iki, pasakna denta apang jati, lwirnya :

Ih mulih ring Uh,

Eh mulih ring Oh,

Ah mulih ring A,

Ah Ih Uh Eh Oh mulih ring Sang Hyang -/-

4b. Tastra Pasupati Ong-kara, Sang Hyang Tastra Pasupati Ong-kara mulih ring Sang Hyang Tiga, A, U, Ma, Sang Hyang Tiga mulih ring Rwabhineda, Ang Ah, Sang Hyang Rwabhineda mulih ring Ardacandra, ‚, Ardacandra mulih ring windu,Ο, Windu mulih ring nada, Δ , telas, haywa wera, utama dahat, aksara iki, apa gagelaran pati lawan urip, wenang gelarakna apang sing i papa klesa ring sariranta, mwah wenang anggen pangalah satru wisesa, mangkana gni kunda rahasya utama, ya ika mageng tan polah, mawisesa hana iti.

5a. Telas aksara iti.dadi api

5b. Iti unggwaning Ardacandra mwang Windu Nada, nga, mwang Rwabhineda, nga. Mwang Ong-kara Sumungsang, nga, unggwanya Sang Hyang Tiga, nga, Brahma Wisnu Iswara,

Sang Hyang kalih, munggu ring nabi genahnya, Ang. Ne luhuring siwadwara magenah, Ah. Ongkara mungguh ring pala kiwa tengen, Ong, Sang Hyang Tiga, metu ardacandra windu nada, unggwanya, ardacandra ring ulu arsa, windu ring udel, nada ring tungtunging purusya, anerus ring telenging ati, mwah anerus ring tengahing ampru, anerus ring pagantunganing idep -/-

6a. Mwah akumpul ring cacupu inten, ika citta, mulih maring pucuk tiga, ulenganing tingal, tungtunganing nggarung, pucukaning pusa, paunggwaning Sang Hyang Tiga, makumpul dadi ika, yan sira harep anglekas, pepek de nira halanggi mwang haturu, pujanira ring teneng, marukse suku kiwa, tanganta ring kiwa, gamelana sunduk den apageh, pelengakna pucuk tiga, haywa kumdep.

Pasuk wetunya Aksara Kanda Swara mwang iki : Ah Ih Uh Eh Oh¸.

rumuhun iki dadi Ong-kara sumungsang. -/-

6b. metu parek dening Sang Hyang Rwabhineda, unggwanya ring dada, ring siksikan, haywa wera, tan siddhi palanya, mulih ring sariranta makumpul lungguh.

7a.ApiYeh

7b. Iti Suksmaning Kanda Pat, nga, ginawa maka kakudung urip, dahat wisesa sira. Kawruhakna haranya kabeh. Lwire, : yeh nyome madan I Anggapati, putih rupanya, ring pupusuh genahnya, ring cangkem pasuk-wetunya, ring engkok-engkokan genahnya. Getihe madan I Mrajapati, abang rupanya, ring ati unggwanya, ring irung pasuk wetunya, ring bawu tengen genahnya. Ari-ari ngaran I Banaspati, ireng rupanya, ring nyali genahnya, ring netra pasuk-wetunya -/-

8a. ring bawu kiwa genahnya.

Tahi langlang ngaran, I Banaspati Raja, kuning rupanya, ring ungsilan genahnya, ring karna pasuk-wetunya, ring pungkuring pamanggehan genahnya, telas.

Yan sira wruh samangkana, ika parama sakti dahat. Yan merentah sowang-sowang, awehakna sanakta kabeh, swaranya ka yeki japanya, : Uh swaranya I Anggapati, eling sira asanak -/-

8b. ring ingsun, ingsun tan lali asanak ring sira. Raksanen ingsun, yan hana sanjata lalandep, pe sanjata tumpaking awak sarinan ingsun, ampihang haja lali, poma, 3x.

Ah swaranya I Prajapati eling sira asanak ring ingsun, ingsun tan lali asanak ring sira, raksanen ingsun, yan hana sanjata lalandepe, sanjata tumampaking awak sariran ingsun ampihang haja lali lah poma, 3x.

Eh swarane I Banaspati, eling sira asanak ring ingsun -/-

9a. ingsun tan lali asanak ring sira, raksanen ingsun, yan hana sanjata lalandepe, sanjata tumampeking awak sariran ingsun, ampihang haja lali lah poma, 3x.

Ih swarane I Banaspati Raja, eling sira asanak ring ingsun, ingsun tan lali asanak ring sira, raksanen ingsun, yan hana sanjata lalandepe, sanjata tummampeking awak sariran ingsun, ampihang haja lali lah poma, 3x. Telas.

Rehnya mawas kiwa tengen, -/-

9b. mwang ring arep ring pungkur, pepetakna bayunta, kayanga mijilaken sanaknya, den kadi wong yanak-hanak, tan lyanan sake rika, tan mijil sanaknya, wus mangkana, yang hadres hirungnya kiwa, sukune kiwa tindakang dumun. Yan hadres hirungnya ring tengen, sukune tengen tindakang dumun, yan pada dresnya, metu ring irung mahancogan lumaku. Haywa sangsaya sira ring dalan, tan ngmasi sira ring dalam, mwah saparaning mintar, leya, -/-

10a. ndesti, teluh trangjana, durggha durjana, mawdi ngeb, salwir ing wisesa sami pada wdi mundur ajrih, telas.

Haywa wera uttama dahat iki yan sira wruha ring tutur iki, Yan wera geng hetung halanya, den singid ring hatinta juga, aja hima-hima.

Marganya, : Ang ring irung tengen, Ung ring irung kiwa, Mang ring tengahing irung.

10b. Unggwanya : Ang ring idep, Ung ring bayu, Mang ring sabda.

Mwah hana Tri Padanà, nga, : surya, bulan, bintang. Sabdanya : Ing Yang Mang, matunggalan, Ang Ing hapti, nga. Ung Ang upti, nga. Ong Mang, pralina, nga. Iti jatining Dasaksara, nga, pratastraning nabi, kaslahan dening Ing-kara dadi Panca Brahma. Ring luhur kaslahan dening Yang-kara, dadi Pancaksara. Ika kawruhakna apang jati. Kinemit dening sobdanya catur. Kayeki rerajahannya kawruhakna, -/-

11a. Huyuh angin, purusya Idep Bayu Sabda Pangaringkesan Aksara Kanda Swara, sampun mabungkulan pragat..... (rusak) 

12a. Panlasanya iki glarakna, .....(rusak) 

12b. Angen ngeseng satru, anggen angeseng salwiring lara roga wighna, salwiring papa ptaka, salwiring hala hala, leyak desti pada geseng, salwiring karyya pada geseng, anggen angurip wenang, anggen ngeseng wenang, kawibaran Sang Hyang Aksara Kanda Swara iki, haywa cawuh cawuh, ring prayogan Sang Hyang Aksara Kanda Swara. Haywa romon ring aksara puniki. Yan nguncarang mabresih dumun, mahening hening ring raganta, poma pingit akna ring adnyana pranawa. -/-

13a. Iti prayascitaning sarira, ngilangaken salwiring wighnaning sarira, mwang papa klesametu saking sarira, makadi bancana teka saking durggha wisesa, leyak desti teluh trangjana, mwang sangaraning sarira hala, ta geseng de nira sanghyang mantra, prayogakna, Sang Hyang ika Mantra, Sang Hyang Dasabayu sariraken ring raganta, sa, tirta mawadah payuk anyar, 1, daksina, l, den agenep, arta, 8.000, canang, 10 tanding raka sakawenang, pinuja ring sanggar rikala purnama, -/-

13b. tilem, asep den awangi, haywa wera, karungu dening wong len, ri wusnya mayoga, tirtanen raganta, kadi akrama, wehin anak rabinta tirta ika.

Phalannya wedi ikang kala durggha, doh ikang gring, sarwa lara wighna, utama dahat iki, druwe sang ratu, mwang brahmana, wenang angangge iki. Mantrannya:

Om idepa Sang Hyang Om-kara mungguh ring tungtunging rambut maraga Sang Hyang Siwa Nibana Wisesa.

Iti mantranya: -/-

14a.Om Sang Hyang Siwa Nirbana Wisesa mungguh ring agraning rambut ku, matapakan padmànglayang, sira anita(ha) ken salwiring lara roga papa pataka, wighnaning awak sariranku, angundurakan sarwa durga kala kabeh, Om Sang Hyang Sri we namo namah swaha.

I ring siwa dwara mungguh, idep Bhatara Siwa malungguh maring raga ika, ma, :

Ong Sang Hyang Siwa Murti Jati, malungguh ring siwadwaranku, matapakan padma bhwana, angleburaken lara wighna papa petakaning awak sariranku, amu -/-

14b. nahaken sapakriya hala, sarwa durga kala kabeh, Om sriya we namo namah swaha.

A, ring lalata, idep Bhatara Sadasiwa maraga, Om Sang Hyang Sadasiwa Murti, malungguh ring padmasana ratna, sira anganyutakena lara loga papa pataka wighnaning awak sariranku, angunduraken sarwa roga kabeh, Om Sriya we namo namah swaha.

Ka, ring rahi, idep Bhatara Suryya Candra mungguh ika, ma, :

Om Sang Hyang Siwaditya -/-

15a.malungguh ring padmànglayang, sira anuluhin saparaning durúana, asing akaryya hala ring awak sariranku wastu kita punah sarwa gunna wisesanta kabeh, mwah angilangakena lara roga wighnaning papa patakaning awak sariranku, Om Sriyya we namo namah swaha.

Sa, ring muka mungguh, ring idep Sang Hyang Maya Murti, ma :

Om Ang Sang Hyang Maya Sakti, malungguh ring padma nada, sira angemitaken awak sariranku, amrangakna salwiring awak sariranku, sakwehing desti teluh tarangjana -/-

15b.gegendu gentawang wastu sira punah teka geseng de Bhatara Maya Sakti, Om Sriya we namo namah swaha.

Ma, ring awakta, idep raga Sang Hyang Bayu mungguh ika, ma: Om Sang Hyang Prana Bayu Wisesa, malungguh ring padma cakra, mider amepeking awak sariranku, sira amagehaken sarwa wisya kabeh, sarwa lara roga wighnaning awak sariranku, mwah sapa karya lara kabeh, tan tumamah ring ring awak sariranku, Om Sriya we namo namah awaha.

Ra, mungguh ring wredaya / –

16a. idep maraga Adnyana Wisesa, ring tungtungin ati, ma, :

Om Sang Hyang Adnyana Wisesa, sira anglukat hanganyut mala papa petaka, lara roga wighnaning awak sariranku, mwah mwah amunahaken dasamala wikara pramala danda upadrawa ring awak sariranku, sakwehing akarya hala dusta durjana sira angunduraken, Om Sriya we namo namah swaha.

La, uderan, idep Bhatara Saddha Rudra, mungguh ring weteng ma,: Om Ang Sang Hyang -/-

16b.Sadha Rudra Murti, anggesengakna lara roga papa petaka lebur punah dadi hawu, anggesengkna salwiring papasangan, rarajahan, papendeman ring awak sariranku, asing kapangan-kinum teke geseng mwah sarwa durgatala kabeh, asing akarya hala ring awak sariranku, wastu geseng dadi awu, Om Sriya we namo namah swaha.

Wa, ring nabi lungguhnira, idep Bhatara Agni murub ring awak ku metu saking nabi, ma, : Om Ang Ang Sang Hyang Agni Ludra -/-

17a.Murti murub ring awakku, terus ring akasa mawak, anggeseng leyak kabeh, teluh trangjana kabeh, mwah papa klesaning awak sariranku, wastu geseng punah dadi awu, Om Sriya we namo namah swaha.

Ya, ring guya, idep Bhatara Semara, mungguh ring parama guhya, : Om Asmara Dewa Murti ring awak sariranku anglebur sakwehing papa ptaka, lara roga wighna, doh wikara pramala danda upadrawa -/-

17b. ning sarwa we, wastu punah hilang, Om Sriya we namo namah swaha.

Ung, ring padma wredaya, idepang Sang Hyang Ananta Bhoga, ma : Om Sang Hyang Ananta Bhoga, sira angruwataken salwiring mala wighna, wastu punah sakwehing mala ring awak sariranku, Om Sriya we namo namah swaha. Telas.

Iti Panulak Satru muang Sarwa Leyak, gering wisye katulak de nira, úa, : lontar gawa juga ring petpet wenang pangraksa jiwanta, ma, : Om idep aku Sang Hyang Anungku -/-

18a.Rat angraksa jiwa, Sang Hyang Taya angraksa bayu, Sang Hyang Parama Wisesa angraksa idep, Sang Hyang Acintya angraksa sabda, siapa wani hala paksane ring aku, buta kabeh manusa nembah, dewa asih, aku Sang Hyang Anungku Rat, mangraksa jiwa, sakti aku licin, gering wisya punah, sing teka pada punah, lah malarem, jeng poma, poma, poma, ang ah.

Iki ratuning Pangraksa Jiwa, nagaran Sang Hyang Ingkup Bhwana, sa, lontar gawa juga -/-

18b. sakti kita maya-maya, ma, : Om idep aku Sang Hyang Ingkup Bhuwana, Bhuta Wilis, ya waluya maya, raksa, úimaya, beta pimaya, ngudngen remaya, sambu ludra maya, yudistira maya, bima maya, partha maya, nakula maya, sadewa maya tumut sawangsanira, raksanen, duluring lampah laku japanku, lunga aku sakti, 3x. jeng, telas.

Nyan Sang Hyang Wisnu Murti, nga, sakti dahat, haywa wera, uttama temen, ngaran Pragolan, -/-

19a. suksma pakedepannya iki, salwiring leyak desti teluh terangjana, buta kala dengen, salwiring halabancana wedi ngeb, turakna ri talapake wehaning satru, ma, : Om Sang Hyang Brahma Loka, Hyang Wisnu Loka, sumurup ring Iswara Loka, anerus ring tungtunging adnyana sandhi, mwah ring tinghal kalih, kaweruhakena wetuning sanakta, Iswara ring papusuhan, Brahma ring hati, Mahadewa ring babuahan, Wisnu ring ampru, Idep bayu sabda. -/-

19b.angregep tak kodar sabda. Yan ngareping satru, ma. : Idep aku Bhatara Brahma maring tengen, Bhatara Wisnu ring kiwa, ring arep Bhatara Guru, ring pungkur Bhatara Mahadewa, Bhuta Saliwah, awak Bhuta Kakawah ngemit ring tengah, Bhuta Ari-Ari lawan Bhuta Rudira ngemit ring kiwa, Banaspati ngemit ring arep, Ih Bhatara Guru ring cangkem, Bhatara Wisnu ring irung, Bhatara Brahma ring tinghal, Bhatara Mahadewa ring karna, Bhatara Siwa ring padmaron, 100, -/-

20a. Paramasiwa ring padma pron, 20, Sadasiwa ring padmamron, 10, iti genep pangawkasan Bhatara Siwa, I hi ya ingsung Sang Hyang Tiga Maya, mangko insun Sang Hyang Mula Sweta, mangko iya manon, aranku Sang Hyang Gurudeya, mangko reh asing langgana. Marep purwa megeng bayunta, tan kodar sabda, tlas.

Iti Sang Hyang Siwàgni, nga, pangraksa ring sariranta, reh nye marep purwwa, andeleng suryya, dawuh ro, dawuh telu, ma, úa, toya anyar -/-

20b. ketisang sugiang inum, pada ping 9. Desti leyak rep, salantang jalan kawasa, mantrannya iki : Om idep aku Sang Hyang Siwa Guna, sahurubing langit, gunanku guna tunggal, magni ring sariranku, murub makatar- kataran mesat aku ring akasa, tumurun aku angadeg, aku satampak lemah, asing delengku teke tekol, satru musuhku wong kabeh, yen harep ko mandeleng tan hana socan ku, yan arep ko lumaku tan hana sukunmu, yan arep ko mangrenga, tan -/-

21a.hana karnanku, teke rep sirep, satru musuh ku wong kabeh, gumatap-gumitip, segara danu, teke rep sirep, sakwehing matangan masuku macangkem bungkem, teka bungkem, 3x. Apan aku pangawakan Sang Hyang Siwagni, teka ngandeg, jeng. 3x.

Nyan kaputusan Sang Hyang Nata ring Girinata, sa, lontar tulisin mantra, gawa juga mawisesa dahat sira, sakwehing leyak baktya, sakwehing bhuta wedi, mwah bhuta kala dengen mawedi, mwah asing elik amati-mati pada wedi, mwah satampak saluning -/-

21b. pande besi, tan tumamah ring awak sariranku, lunga jati teka jati, jawanira tan kasoran dening bawa kawisesan sira, yan tan wruha ring mantra iki gawa juga lontar iki, dahat wisesa sira, ma, : Om idep aku ring Sang Hyang Nata ring Girinata ring Gunung Agung, tedun ring madya pada, haranku Bhatari Sapuh Jagat, kawisesanira Hyang Bhatari Durggha, sapa wani ring aku, apan aku mulaning wisesa sakti, aku mulaning guna pangaruh, aku Sang Hyang Sapuh Jagat, leyak -/-

22a. putih nembah ring aku, leyak abang nembah ring aku, leyak kuning nembah ring aku, leyak ireng nembah ring aku, leyak amanca warna nembah ring aku, leyak katon leyak tan katon nembah ring aku, bare buta kala dengen nembah ring aku, sakwehing satru pada baktya, asing krode asih sakwehing durga urung, apan aku masarira marupa Durggha, rupanku Bhatara Girinata, luwih aku sakti, gering lara wisya katulak denku, aku Sang Hyang Sapuh Jagat hana guna -/-

22b.ning satru wisesa, aku munahang kroda punika punah, sakwehing sanjata amati-mati pada punah, teke punggel tikel, aku luput ring sakriyaning satru, apan aku nataning wisesa, tan katamanan aku satru, aku weruh Sang Hyang Liwing Girinata, nataning dewata, Sang Hyang Om-karàdikel, 3x.

......(rusak).... 

23a. Iti Pangasih Bhuta, Pangasih Dewa, mwang Manusa, gelarakna rikala ngabhakti ring dewa, anggen pangraksa jiwa wenang, sengkernya sahuripnya, úa, lontar tulisan mantra, Kaputusan Sang Hyang Mpu Bahula, wenang maka pangalahaning leyak kabeh, gering wisya teka punah denya, ma, : Ingsun angidepakem Sang Hyang Acintya Suksma, sakti pangraksa jiwa, apinda manusa sakti, aran Sang Hyang Mpu Bahula, angiring de -/-.

23b. ning weda japa sakti, ingiring dening Dewa Catur Loka, ngelukat leyak kabeh, anglukat gering wisya kabeh, yan hana leyak halapaksane ring pakaranganku, teka dingkel, 3x. teka pupug punah, asing teka ko satrunku kabeh punah, teka nembah nungkul, ko ring pakaranganku tekeng aku, apan aku uriping sarwa wisesa, wenang teka waras, 3x, Ang Ah, Ang, telas.

Iti Sang Hyang Mretyu, nga, ma, : Ih metu Sang Hyang Mretyu ring pabahanku, murub kadi geni ujwala, aku- -/-

24a. amancut atmaning leyak kabeh, mungguh ring tungtunging nada Sang Hyang OM-kara Ngadeg, asing katon denku lah pada geseng teka pada tikel, suksma bungker, 3x syah, 3x. Rehnya nuding leyak.

Iki Pangesengan Bhatara Brahma, nga, Ih aku Bhatara Brahma Sakti, sang apa mapas aku teka geseng, bhuta mapas aku teka geseng, kumatap-kumitip mapas aku geseng, aku Bhatara Brahma Sakti, angrangsuk aku batu -/-

24b.wresani, hatateguh mahider bhuwana, sa, sakawenang.

I Sang Hyang Kober Kuning, pinaka ratuning kawisesan, rehnya rembah marep kulon, laju amati rana, Sang Hyang Kober Kuning nga, rong puluh, 7, rahina panunggunya, ma, :

Ong Sang Hyang Parahyang, aku Sang Hyang Guruning Hyang, aran ku Sang Hyang Sukla Wisesa, ingiring aku dening Sang Hyang Wisesa, Sang Hyang Sakti tan malih ring luhurku Sang Hyang Tunggal, ring arepku Sang Hyang Acintya Wisesa, Sang Hyang -/-

25a.brahma ring tebenku, sanghyang wisnu ring kiwanku, hyang iswara ring tengahku, bima rempak mider ring aku, geni murup pinaka kasnanku, sapa wani ring aku, jadma teka geseng satapak paluning pande wesi teke geseng, tikal tan palumya tekol, guna mati, pangaruh mati, wisesa sakti mati, paweh dewa mara mati, apan aku anggawe sahananing katon, sahananing tan katon, syapa wani lumiyat ring aku, wisya mara matemahan amreta, aku sanghyang sukma luwih, angawang awang Ih, Ih, -/-

25b.Ah, Ih, Uh, Eh, Oh, Ah Ang, 3x. telas.

Iki Sang Hyang Siwa Sumedang, nga, sengkernya sahuripnya, yen tan weruha ring mantra iki, kewala pejang ring luhur ing aturu, bantennya canang burat wangi ring kajeng kliwon, ma :

....... (rusak) Paramasiwa ya ne namah swaha, ; .....(rusak) metu Sang Hyang Siwa Sumedang, ri pantaraning ati, murub dumilah kadi surya siyu, ingiring sarwa tastra wisesa, ingiring -/-

26a.dening dewa bhatara kabeh, geni sagunung pinaka lalayanku, asing anglayang pinaka haranku, sagara adulun pinaka yasanku, sapa wani ring pakaranganku, tekeng aku, apan aku Sang Hyang Siwa Sumedang aweha ngentar ring aku, sahananing wisesa, ngentah ngeh leyak kabeh, sing teka satrunku wong kabeh -/-

26b.teka nembah teka nungkul, ring pakaranganku teken aku, apan Sang Hyang Siwa Sumedang, guruning aguru, guruning dewa bhatara kabeh, guruning japa mantra, guruning tastra kabeh, guruning guna pangaruh, guruning manusa kabeh, guruning leyak kabeh, guruning moro kabeh, -/-

27a.guruning pamonpokan kabeh ya ko pada wedi, nembah kabeh ring aku, ya ko pada wedi nembah ring aku paksane hengko, hala kira-kirane hulun, linipiting Sang Hyang Geni Pracandra dumilah, bininti dening sila mageng, binandem de nira Sang Hyang Bayu mageng, rempak remuk tan pasesa satru wong kabeh, kitane tan kawasa ngucap, angumik ring pakaranganku teken aku, asing teka satrunku -/-

27b.wong kabeh, teka nembah nungkul, ko ring pakaranganku teken aku, apan aku Sang Hyang Suksma Siwa Sumedang, sakti aku tan kaungkulan, sing teka satrunku wong kabeh, teka lupa, teka waras, Ong Sa Ba Ta A I, Na Ma .... (rusak) sarwa guna pangaruh winasaya, .... (rusak) sarwa satru winasaya, ...(rusak) sarwa satru winasaya, pangantya,

.....(rusak) , sing marere sami -/-

28a.pada mingmang, siyu weda samangkana, kaweruhakna haywa cawuh, kena soda de nira Sang Hyang Siwa Sumedang, poma.

28b. Aweda On Nama Swaha. Telas. Kasurat de I Ketut Tangsub, warsaning rat, maring Rangdilangit, Bangkasa.