Bhisama Kapurusan

Bhisama Hyang Sinuhun 

Om Swastiastu

Om Awignam Astu.

Om Anubadrah Kerthawiyantu Aiswatah

Kamung Pretisentananku Nanak Dharma Kapurusan Garis Parampara muang Pinandita Wiwa Griya Agung Bangkasa hawiya lupa ring kayangan, mekadi ring Pura Kahyangan Dharma Smerti lan Pura Panataran Merajan Agung Dalem Tangsub. Yan kita lupa ring kayangan ta wastu kita tan anut ring apasanakan tan wus amangguh runda, tan mari aca ngilang ring apasanakan, sugih gawe kirang pangan.

Mangkana piteketku ring preti sentana, kapratistaprasanti, Hyang Sinuhun de kita prasama. Kita tan wenang piwal ring piteketku, hila-hila dahat hayua lupa. Muah yan kita pageh ring piteketku, moga tan wuus kita amanggihang dirgayusa, amanggih wirya guna mantra, sidi ngucap, jagra nuraga, asihing hyang widya guna, susila wuruhing naya, mangkana cinandiyeng lepihan.

Terjemahan ring Bahasa Bali

Om Swastiastu

Dumadak tan kapariambeng.

Dumogi pikayunan sane becik rauh saking ider bhuwana. 

Cening Pretisentananku Nanak Dharma Kapurusan Garis Parampara muang Pinandita Wiwa Griya Agung Bangkasa, de engsap kapining khayangan sesembahan ceninge, ane ade ring natar Pura Kahyangan Dharma Smerti ring Pundukdawa miwah Pura Panataran Merajan Agung Dalem Tangsub. Yan cening lipya tekening khayangan, sesembahan ceninge ane ada di Gunung Batukaru, dumadak cening apang tusing adung menyama , tusing suud- suud nepukin pakeweh, tusing pegat-pegat maiyegan ngajak nyame, liu ngelah gae, nanging tuna pangupa jiwa.

Sapunika piteket manira kapening cening prati sentana manira, dumadak cening nutugan tuwuh, nguponin kawibawan, luwihing guna asing ucapan sidi sang hyang gumi (kaalem di jagate), Ida batara sweca, mapan cening pradnyan, luwih guna, melaksana ane patut, pascab kapining naya wiweka. Aketo ane kaunggah di prasastine