Pupuh

#Pupuh Sinom

Titiang janma sunantara,

Nista lacur manumadi,

Malarapan suka legawa,

Catur bekel titiang pasti,

Suka duka lara pati,

Nika wantah titiang tikul,

titiang mewasta I Tamtam,

Nyadia titiang tangkil mangkin,

Ring sang Ayu,

Sane telas tunas titiang.

Artos:

Titiang wantah jadma pangumbara, 

Tiwas miwah lacure titiang manumadi, 

Maka sami punika titiang margiyang antuk manah erang tur girang, 

Sane papat anggen titiang bekel miwah geguat, 

Liyange kalawan sebet, kasengsaran kalawan matine,

Sane setata nginutin hidupe puniki, 

I Tamtam wantah adan titiange, 

Sapangrauh titiange parek tangkil rahinene mangkin, 

Majeng ring sang marahan listu Ayu, 

Titiang wantah nunas sane sampun katelasang. 

Artinya:

Saya adalah seorang pengembara,

Rendah dan miskin saya menjelma,

Saya terima dengan senang hati,

Empat yang menjadi bekal saya,

Suka, duka, penderitaan, dan kematian,

Itulah yang selalu mengikuti saya,

Nama saya I Tamtam,

Kedatangan saya menghadap sekarang,

Kehadapan Dewa Ayu,

Yang habis yang saya minta

#Pupuh Ginada

(Gita Pangrastiti Pamahayu Bumi) 

Sangaskara Bali Dwipa

Sinangga de Danu Suci

Catur Baga Makanama

mahamerta Saksat Ibu

Ngemban Ikang Para Jana

Ngreka Urip

Sarwa Prani Sabhuwana

Artos:

Sane kabaos upacara pensucian jagat Baline puniki..... 

Wantah prasida mlihara kasutreptian Danu utawi sahananing genah toyane punika... 

Sane patpat punika kabaos catur baga.... 

Tirtha mautama punika waluya kadi I Biyang... 

Sane prasida mlihara kehidupan I Manusane... 

Ngupapira sane hidup.... 

Sahananing maurip ring jagate puniki. 

#Pupuh Giananti

Siwa ratri ngaran iku,

Gaglaran yoga semadi,

mangelebur sarwa mala,

mala ngaran sarwa sisip,

nunas agung sinampura,

maring Ida Sang Hyang Widhi.

Artos:

Inggih,.... Ida dane pamiarsa sinarengsami, sane kawastanin rahina Siwaratri punika.... 

I Raga patut ngamargiyang tapa brata yoga miwah semadi punika.... 

Wantah pamargine punika sane prasida ngicalang sahaning leteh..... 

Mala punika wantah sahananing kasengsaran hidupe.... 

Duaning ada punika titiang nenten surud surud ngelungsur agung pangempura, 

Antuk kaiwangan parilaksana titiang majeng ring Ida Hyang Parama Kawi.