PANGENTER PANCA SEMBAH
OM AWIGNAM ASTU NAMAH SIDHAM
Inggih Ida-dane para Bakta sareng sami sane Baktinin Titiang
Riantukan Dane Jero Pamangku duwene sampun wusan ngastawang bhakti utawi aturan ida-dane sami, sane mangkin sampun panemaya galah titiang ngiring ida-dane para bhakta / pamedek sinamian nglanturang pamuspaan.
Inggih mangkin Durusang ngrereh genah sane becik. Ida dane sane lanang mangda ngambil genah antuk malinggih padmasana / silasana, ida dane bhkata istri mangda mangambil genah antuk malinggih bajrasana / matimpuh. Nglantur janggepin Rion srana upakara pemuspayan duwene.
Yening sampun sami jangkep, Mangkin ngastawa dumun suwang-suwang angga sarira, tunggalang sabda bayu lan idep duwene,. Sadurung ngawitin kramaning sembah ngiring sareng-sareng ngaturan puja trisandya.
Asana…………………!
Pranayama………………….!
Karasudhana …………….!
“Om Kara sudhamam swaha, Om ati sudhamam swaha”
AMUSTIKARANA, PUJA Trisandya ngawit!
…………………………………Tri Sandya Sinarengan…………………………….
Inggih majeng ring Ida dane Para Bakta sinamian, Puja Trisandya sampun kemargiang,
Sane mangkin ngiring lanturang pamuspan duwene antuk ngaturang Panca Sembah
Asep-asepin riin tangan duene maka kalih raris sasapang nyantos anga sarira,
(Inggih tedun...)
2. Selanturnyane sembah kaping kalih masrana antuk sekar petak, uleng pangubakti majeng ring Sang Hyang Siwa Raditya. Inggih Raris munggah....
(Inggih tedun...)
3. Selanturnyanye sembah keping tiga masrana antuk Kwangen, yening tenten wenten, kangkat sekar angkep, uleng pangubakti majeng ring Ida Bhatara Bhatari sane melingga-melinggih ring ayun. Raris munggah....
(Inggih tedun...)
4. Selanturnyane sembah keping pat masrana antuk Kwangen utawi sekar angkep, uleng pangubakti majeng ring Ida Bhatara Samodaya nglungsur waranugraha.... Raris munggah....
(Inggih tedun...)
5. Kaping untat, ngaturang sembah puyung pinaka tungtunging sembah... Raris munggah...
(Inggih tedun...)
Wangsuhpada Ida Bhatara pingkalih Bija.
Titiang nunas majeng ring pamedek sinamian, sadurung sami polih nunas wangsuhpada Ida Bhatara mangdane nenten metangi riin.
INGGIH WANGSUH PADA TIRTHA MUAH BIJA SAMPUN KEMARGIANG, SANE MANGKIN PUPUTANG KRAMANING SEMBAH DUWENE ANTUK NGUCARANG PARAMA SANTHI,
“OM SANTHI, SANTHI, SANTHI OM.”
Atur pekeling titiang ring Ida dane pamedek sareng sami, ngiring mangkin tincapang bhakti duene antuk nenten ngutang srana pamuspan sane sampun kaanggen ring natar jeroan utawi palemahan wewidang pura.
Titiang nunas majeng ring pamedek sinamian, srana pamuspan sane sampun kaanggen mangda kapupulang tur
kagenahang ring tempat sampah sane sampun kacumawis.
Taler uningayang titiang majeng ring pamedek sinamian, yening ida dane jagi mapamit, mangda nganggen pamedal sisi kelod.
Inggih, duaning sami sampun polih nunas Wangsuhpada Ida Bhatara lan Bija, sane mangkin kaangkat sampun metangi.
Tidak ada komentar:
Posting Komentar