SESAYUT PAWIWAHAN

PAMIAK KALA

Pamiak Kala adalah lambang penyucian yang bersifat lahiriah dan merupakan kebalikan dari prascita sebagai lambang penyucian rohaniah yang biasanya digunakan sebagai persembahan kepada Sang Bhuta Pemali sebagai penguasa tata ruang atau tempat yang bertujuan untuk dapat menghindari keadaan yang tidak wajar, alamat buruk atau sebuah kemalangan.

Tetandingan Banten Sesayut Pamiak (Pamyak) Kala puniki Medasar antuk aled sesayut duwur nyane dagingin nasi mawadhah ceper, nasine mapiyak dados 4 belatin antuk don pandan, maulam bawang jahe, kawangen 4, sesanganan, raka-raka sejangkep yane, panyeneng alit 1, pras alit 1, sampyan nagasari, canang pahayasan.

Sesayut puniki ka-anggen rikala upacara Bhuta yadnya mwang manusa yadnya. 

Sedangkan saat Penampahan Galungan disebutkan sesayut ini sebagai perlengkapan dalam upacara Natab Sesayut Penampahan atau disebut dengan Sesayut Pamyak Kala Laramelaradan.

#SESAYUT PATEMON/PAWARANGAN (egamel antuk sang meraga istri) :

Madasar antuk dulang duwur nyane susunin antuk aled sesayut, duwur nyane dagingin nasi tumpeng barak 1, maulam ayam biying mapanggang, sesanganan, raka-raka sejangkep nyane, penyeneng alit (tahenan) 1, pras alit 1, sampyan nagasari, canang pahyasan tatebus barak. Sesayut puniki ka-anggen rikala upacara Pawiwahan, maka nyasa kama bang.

#SESAYUT PATEMON/PAWARANGAN (Kagamel ring sang lanang) 

Madasar antuk dulang duwur nyane susunin antuk aled sesayut, duwur nyane dagingin nasi tumpeng putih 1, maulam ayam putih mulus mapanggang, sesanganan, raka-raka sejangkep nyane, penyeneng alit (tahenan) 1, pras alit 1, sampyan nagasari, canang pahyasan tatebus putih. Sesayut puniki ka-anggen rikala upacara Pawiwahan, maka nyasa kama petak.

#SESAYUT PURNNA ASIH:

Madasar antuk dulang duwur nyane susunin antuk aled sesayut, duwur nyane susunin antuk kain selem lan kain kuning magambar Smara Ratih, aled sesayut nyane melakar antuk busung nyuh gadang, medaging beras, ketan lan injin, susunin antuk nasi pangkonan asibak selem asibak kuning, sisin nyane medaging tumpeng selem 4, tumpeng kuning 7, canang sari, canang pangrawos, canang gantal, sekar selem, sekar kuning, tulung 2, ulam ayam ireng mapanggang, ayam putih syungan mapanggang, magenah nganutin tumpeng, sami winangun urip, jinah 225, jangan bayem luhur aceper, sambel mica ginten atakir, tabya bungkut atakir, kalungan nyuh gadang 1, lis senjata antuk busung, padma, sesanganan, raka-raka sejangkep nyane, penyeneng alit (tahenan) 1, pras alit 1, sampyan nagasari, tatebus selem lan kuning. Sesayut puniki ka-anggen rikala upacara pawiwahan.

#Iti SESAYUT JATI SMARA:

antuk dulang duwur nyane susunin antuk aled sesayut, duwur nyane susunin antuk nasi tumpeng putih abungkul, ulam ayam putih mulus mapanggang, sesanganan sarwa putih, raka-raka sejangkep nyane, kacang komak 1 tangkih, calon 5 siki, kojong rangkadan medaging rerasmen, penyeneng alit 1, pras alit 1, sampyan nagasari, canang pahyasan. Sesayut puniki ka-anggen rikala upacara Pawiwahan."

#Iti SESAYUT PANGIPUK SMARA:

Madasar antuk dulang duwur nyane susunin antuk aled sesayut, duwur nyane susunin antuk nasi penek kuning, ulam ayam putih syungan mapanggang, bantal kuning 10 siki, pisang keladi 10 siki, sesanganan sarwa kuning, raka-raka sarwa kuning, tape 7 siki, kacang komak 1 ceper, calon 2, penyeneng alit 1, pras alit 1, sampyan nagasari, canang pahyasan tatebus kuning. Sesayut puniki ka-anggen rikala upacara Pawiwahan.

.