NANAK........
Dingehang ja tutur Nabene ne tuah abuku, apang mani poane ada bekelang NANAK di kahuripan NANAKe...
Ne ada aksara Bali A, Na, Ca, Ra, Ka, to uli Nabe saking cenik suba malajahin aksarane ento, malajahin mamaca tur nulis maimbuh nyalin.. NABE masi ngaptiang apanga Nanak bisa masi maca tur nulis aksara Bali...
Sujatine aksarane ento ngidaang anggo Nanak gegamel ngamargiang kahuripan Nanake.. NABE jani ngorahin, ada A, Na, Ca, Ra, Ka, Da, Ta, Sa, ........
A = Antengang nyen Nanak malajah saenu Nanake maurip
Na = Nandurin karang awak utamayang apanga ada anggon Nanak mani poane
Ca = Catur Gurune miwah Tri Gurune apanga satata Nanak baktinin
Ra = Raketang rasa manyama braya, salunglung sabayantaka, paras paros sarpana ya ring pagubugan Nanake,
Ka = karahayuan lan karahajengan pinaka pangapti Nanake ne utama...
Da = Dahatang manah bhakti ring maraga NABE....
Ta = Tatasang pesan sesana kapurusan Nanake....
Sa = Sastrane anggen ta teken...
Nah tuah amonto malu NABE nuturin Nanak, sawireh matan aine suba nyansan negehang, apang NABE tusing kasepan magarapan.
#tubaba@griyangbang//linging aksara#
Tidak ada komentar:
Posting Komentar