Segara
Olih : I Gede Sugata Yadnya Manuaba
Segara.......
Yadiastun kaanyudin lulu nyanyad
Lulu leteh jagat
Tanpa laad
Nanging segara tan naén rumasa leteh
Toya Segara nenten naenan bendu
Mala ring guminé sami ka tuju
Ka tengahing segara madu
Mangda jagaté prasida rahayu
Nglebur mala ring tepi segara
Sirna kaampehang angin segara
Sirna kaanyudang toya segara
Malané sami kalebur ring segara
Ombaknyané bencah ngambekang awak
Lancut magulung-gulung saling tempung
Suarannyané nyandet: gdeblur…..gdeblur…..
Nanging stata sida nyanggra toyan tukad loloan
Segara......
Yukti srana ngalebur mala
Pinaka angga campuhan sekancan tukad
Gumanti astiti bakti nempur ngalebur
Mala leteh terehing bhuwana agung-alit
Segara Kerti
Ngawi winih nirmala sakala niskala
Pinaka Campuhan Urip Sarwa Prani
Tidak ada komentar:
Posting Komentar