PEPALIHAN KANDA MANUSA

ITI NGARAN BACAKAN RAGA SARIRA

(Ratuning Kawisesan) 

Pepalihan Raga'nta/pepalihan manusa:

1. Sirah

2. Pengawak/raga

3. Suku-suku

1). Sane melinggih ring sirah:

A. Ring Siwadwara/pabahan melinggih Ida Sang Hyang Parama Atma, Ida Sanghyang Widhi Wasa. 

B. Ring telenging Lelata/selagin alis melinggih Ida Ongkara Ngadeg. 

C. Ring muncuk Cunguh pinaka panunggalaning bayu, sabda kalawan idep. 

D. Ring Song Cunguh pinaka panunggalaning bayu'nta. 

E. Ring Langit-langit Cangkem pinaka linggih Ida Bhatara Bapa Akasa. 

F. Ring Lidah pinaka linggih Ida Hyang Bhatari Pertiwi. 

G. Ring Tungtungin/Muncuk Layah ngaran linggih Bhatari Durga. 

H. Ring Caling malinggih Ida Bhatari Berawi. 

I. Ring Celatik Ke kolongan linggih Sanghyang Pangempet Bayu, Sabda kalawan Idep, ika ngaran tongos pangliakane (linggih inggih aksara ngaran). 

2). Sane malinggih ring Pengawak (Raga'nta):

A. Ida Bhatara Iswara malinggih ring Jantung Papusuh.

B. Ida Bhatara Mahesora malinggih ring Peparu. 

C. Ida Bhatara Brahma malinggih ring Sajeroning Hati. 

D. Ida Bhatara Ludra malinggih ring Usus. 

E. Ida Bhatara Mahadewa melinggih ring Sajeroning Ungsilan. 

F. Ida Bhatara Sangkara melinggih ring Sajeroning Limpa. 

G. Ida Bhatara Wisnu melinggih ring Sajeroning Nyali. 

H. Ida Bhatara Sambhu melinggih ring Kekolongan. 

I. Ida Bhatara Siwa malinggih ring Untenging Hati. 

3). Sane malinggih ring Lima kalawan Batis:

Ida Sanghyang Panca Gni, Panca Tirtha pinaka genah mutering kalawan nyungsanging Ongkara Sungsang miwah ngadeging Ongkara Ngadeg.